නොමගින් සුමගට පැමිණ සමගියේ බලයෙන් ප්‍රයෝජන ගනිමු.

දහම් ලිපි...

සමගිව එකතු වන්න, සමගිව සාකච්ඡා කරන්න සමගිව විසිර යන්න මෙය වනාහී නොපිරීහීම පිණිස පවතින් උතුම් ගුණ ධර්මයන් වේ.

පරිණිර්වාණය පිණිස උපවත්තන සල්වනය කරා වඩින ගමනේ අතර මගදී බුදු රජාණන් වහන්සේ විසින් දේශනා කරන ලද ධර්ම කරුණු බොහෝ වෙති. ඒ අතරින් සප්ත අපරිහාණිය ධර්මයන් සදහන් තැන කරුණු වලට අනුවයි මා ඉහත ප්‍රකාශනය කරන්නට යෙදුනේ....

එකමුතුව සමගි සම්පන්න බව සැබවින්ම ප්‍රසංසනීයය. එහෙත් අවාසනාවට එය අද බොහෝ විට ඇත්තේ විනාශයක් අභියසය. ජිවිතේ නොයෙක් දේවල් වලට පෙළඹෙන සිහළුන් අද ජාතියක් වශයෙන්ද සංස්කෘතියක් වසයෙන්ද ඉතාමත් සෝචනීය ඉරණමකට ගොදුරුව ඇතැයි කීම අසත්‍යක් හෝ අතිසොක්තියක් නොවේ. 

එයට හේතුව අපි යම් කිසිවකට විරුද්ධ වීම පිණිස එකමුතු වත් අපි ගුණය හා එකතුව නැති බැවිනි. ජාති වාදි හැගීමෙන් හෝ ආගම් වාදී හැගීමෙන් අපිට එකතු විය හැකිය. ජිවිතයට සැබෑ පිළිසරණ ලැබෙන මාවතට පැමිණ ඒකාත්මීය වීමට අපතුල කැමැත්තක් නැත. 

තිසරණ ලාභීන් ලෙස කටයුතු කරන්නේ කොහොමද, සීලවන්තයින් ලෙස ජාතියක් වයෙන් අප ගොඩනැගෙන්නේ කොහොමද, මේවැන්නක් ගැන කතිකාවතක් සමගියක් එක් රැස් වීමක් නැත. එය සැබැවින්ම සෝක ජනකය. 

විදුහල්පති වරුන් මැනේජර්වරුන් කරල බටහිර සංස්කෘතිය කරපින්නා ගන්නා පාලකයන්ගේ නොමග යැවීමට පක්ෂව කටයුතු කරන අපි සත්‍යයේ සංදේශයට කිසිදු ගරු සරුවක් නොකරමු  . මේ ජිවිතෙයේ ආර්ථික දියුණුව ගැන සිතන අපි මේ ජිවිතයේත් මතු සසරතුලත් අප උපදාවාගත යුතු වු  අධ්‍යාත්මික සුවයෙන් පිරුණු ජිවිතය පසෙකට විසිකර දමා කටයුතු කරමු. එයින් සිදු වන්නේ ආණි සුත්‍ර දේශණාවේ වදාළ පරිදි මිහිගු බෙරය වෙනුවට ඇණ ගොඩට තලන්නාක් මෙන් ජාතියත් ආගමත් රැක ගන්නා කල හුදෙක් ඒවා හුදු චාරිත්‍ර විධියක් පමණක් ම වනු ඇති. 

එබැවින් එක් වන්න මනා ලෙස තිසරණය සමග. ඔබේ ජිවිතයේ නියමුවා ඒ උතුම් තිසරණය කරගන්න. ඔබේ ජිවිතයේ හෑම ගැටළුවක් හමුවේම ඉහලින්ම ධර්මය තබාගන්න. පින්වත් ස්වාමීන් වහන්සේලාගේ ඇසුරින් ලෞකික ජිවිතයේ අගුණ දුර්වලතාවයන් හා අඩුපාඩුකම් ගැනද , ඒවාට මුහුණ දිය යුතු පිළිවෙල පිළිබදවද, අධ්‍යාත්මික සිලසමාධිප්‍රඤාදියෙහි මතුවෙන ගැටළු නිරාකරණය පිණිසද අනුසාසනාවන් ලබාගන්න. 

ඒ සදහා සමිති සම්මන්ත්‍රණ සභා ආදිය තැබීම නොව ඔබ ඉන්න තැන සිට පටන් ගන්න හෙට නොව අද සිට ආරම්භ කරන්න ලබාගන්නා දේට අනුව නොව තියෙන දේට අනුව ජිවිතය ගොඩනගන්න එවිට මේ එකමුතුව සැබෑ නිවහල් නිදහස් සැනසුන පිරිසක් බවට පත්වීමට අපට හේතු වනු ඇති.

0 ක් ප්‍රතිචාර දක්වා ඇත:

Post a Comment